Radio Escaparate (14/11/2017)

No Escaparate desta semana visítannos os realizadores Javier Blanco e Javier González gañadores coa súa curta Tapias dun dos galardóns do Festival de Cinema Curtocirtuíto de Santiago de Compostela, e na nosa entrevista musical coñeceremos á banda de punk Grima. Como todas as semanas debullaremos a actualidade das redes sociais nos nosos Chíos e cancelos con especial atención ás reaccións polo pasamento do humorista Chiquito de la Calzada. No Falar da rúa Irene Fernández preguntará sobre os hábitos deportivos dos pontevedreses, e finalmente o noso “Chiquito” particular, Iván Iglesias, fará no Eramos poucos unha deliciosa cover do tema gañador do pasado Festival de Eurovisión, Amar pelos dois, do artista portugués Salvador Sobral, neste caso dedicada á cultura galega.

Ir a descargar

  • 2.50 Chíos e Cancelos
  • 15.00 Encontros na 2ª planta: Javier Blanco e Javier González
  • 26.00 O Falar da Rúa
  • 32.10 Escaparate Musical
  • 43.20 Eramos Poucos: “Amar polos dous”
Advertisements

Radio Escaparate (07/11/2017)

No primeiro Escaparate do mes de novembro contamos coa presenza do realizador e fotógrafo Jonny Wolfmor que nos falará da súa carreira e dos seus novos proxectos. Coñeceremos así mesmo o máis falado nas redes sociais nos nosos Chíos e cancelos e na nosa entrevista musical coñeceremos a banda galega Agoraphobia. No Falar da rúa preguntarémoslle aos escaparatistas cales son os seus superheroes favoritos, e como colofón no Eramos Poucos, Iván Iglesias daranos a súa particular visión da festa do San Martiño adaptando o tema de Melendi “Caminando por la vida”. Non volo perdades!

Ir a descargar

  • 01.49 Chíos e Cancelos
  • 15.00 Encontros na 2ª planta: Jonny Wolfmor
  • 23.40 O Falar da Rúa
  • 30.30 Escaparate Musical: Agoraphobia
  • 42.40 Eramos Poucos

Radio Escaparate (31/10/2017)

Na véspera do día dos defuntos tivemos a oportunidade de falar co escritor pontevedrés MANEL LOUREIRO do seu último libro “Veinte”. Tamén se achegou ata o noso escaparate o grupo AULA 11 que nos presentarán dous dos seus mellores temas. Por suposto repasaremos toda a actualidade das redes sociais nos nosos “Chíos e Cancelos” e na noso espazo “O falar da rúa” coñeceremos a opinión dos pontevedreses sobre a festa de Halloween. E como colofón no “Eramos poucos” Iván Iglesias falará do famoso artigo 155 nunha particular homenaxe aos Village People

Ir a descargar

  • 2.30 Chíos e Cancelos
  • 14.55 Encontros na 2ª planta: Manel Loureiro
  • 26.10 O Falar da Rúa: Halloween
  • 31.45 Escaparate Musical: Aula 11
  • 42.40 Eramos Poucos: 155 (YMCA cover)

Radio Escaparate (24/10/2017)

Logo dunha semana de parón obrigado volve o Escaparate, o magacine radiofónico da Universidade de Vigo. Neste terceiro Escaparate falaremos con dous vigueses que viviron de primeira man os incendios que asolaron os nosos montes e nos obrigaron a suspender o programa a pasada semana. Nos nosos “Encontros na segunda planta” estará connosco Javier Llorente, entrenador do clube de baloncesto Marín Peixegalego. Tamén coñeceremos a actualidade das redes sociais nos “Chíos e cancelos” e sondearemos os coñecementos sobre cinema dos pontevedreses no “Falar da rúa”.

Non volo perdades escaparatistas!

Ir a descargar

  • 00.00 Intro
  • 02.15 Chíos e Cancelos
  • 13.20 Encontros na 2ª planta
  • 22.07 Especial #QueimanGalicia
  • 34.00 O Falar da Rúa
  • 43.16 Escaparate Musical
  • 52.08 Eramos Poucos…

Radio Escaparate (10/10/2017)

Ola de novo escaparatistas. Xa tedes dispoñible o segundo programa da cuarta temporada do ESCAPARATE, o magazine de radio da Universidade de Vigo. No programa desta semana teremos nos nosos Encontros na 2ª planta ao responsable da Área de Emprego e Emprendemento da Universidade de Vigo, Alejandro Martínez. Tamén se achegou ao Escaparate os músicos do Dúo Xistra que nos mostrarán un pouquiño da súa música. Teremos ademais nos Chíos e cancelos toda a actualidade das RRSS e no noso Eramos poucos…Iván Iglesias deleitaranos cunha particular versión musical do tema “Tuyo” de Ricardo Amarante. Non volo perdades!

  • 00.00 Intro
  • 2.20 Chíos e cancelos
  • 12.30 Encontros na segunda planta
  • 20.10 O falar da rúa
  • 26.00 Escaparate musical
  • 37.15 Eramos poucos…

Radio Escaparate (03/10/2017)

Comeza unha nova temporada do Escaparate, o magacine de radio da Universidade de Vigo. Nesta cuarta andaina inauguramos novas seccións e novas voces que nos acompañarán durante toda esta temporada do Escaparate. Falaremos entre outras cousas dos asuntos que son tendencia nas RRSS, sondexaremos a opinión da xente da rúa sobre a televisión nos nosos días e no noso tempo de entrevista contaremos con Beatriz Legerén, docente da Facultade de CCSS de Pontevedra que nos falará do proxecto de colaboración entre Comunicación Audiovisual e Enxeñería de Telecomunicacións para realizar varios videoxogos. Na parte final do programa o noso compañeiro Iván Iglesias interpretará unha particular versión do tema de Miguel Bosé “Como un lobo”. Non volo perdades.

Ir a descargar